ककुद्रुम
यौटा जंगलमा ककुद्रुम भनि नामले प्रतिष्ठित बिर !
भोकले आतुर भै घुमेर दिनभर खोजेर हिड्थ्यो खिर !!
जाऊ कुन घरमा कि भेट्छु बनमै बिर्सेर आफ्नो सुर !
सुध्दी बुध्दी हराई गाउतिर नै लागेछ त्यो खुर्खुर !!
गाउका चारदिवारी गर्न दरिला जमात जागा बसी !
रक्षा गर्न खपिस थिए ति बबुरा बाँधेर कम्मर कसी !!
बस्ने कुक्कुरका बथान हरुले देखेर जम्बुबिर !
सीमा नाघी अतिक्रमण हुन गयो भन्दै उठाए शिर !!
हे बाबा म फसें नि गाउबिचमा जंगल भयो दूर त्यो !
मेरो ज्यान बचेन भागु कसरि भोकै बरु हुन्थियो !!
सोची यो मनमा पसेछ घरमा धुने लुगा धोबिको !
रंगमा डुब्न पुग्यो ल हेर नतिजा कस्तो भयो लोभीको !!
झुक्याएं अबता इ कुक्कुरहरु फर्किगयेछ्न बरु !
झुक्क्याउछु अरुलाई जंगलमहा को टिक्न सक्ला अरु !!
स्यालको रुप लुकाई निर्भिक उ भै बाघ भालुको भिडमा !
भाषण गर्न भनेर तम्सिकन त्यो बस्यो परै गीडमा !!
आए जंगलका समग्र पलुवा देखेर नौलो जिव !
गर्दै भाषण भन्छ हेर म प्रति खुसि भएछन शिव !!
राजा जंगलको बनाइ मकनै पठाइएको हुँ म !
मान्नै पर्छ म गर्छु शासन सबै नामको छु ककुद्रुम !!
यस्तो जारि गरेर सर्बसुचना गठन गर्यो मन्त्रीको !
मण्डल, कार्य र भार सुम्पी सबको दांत भाची द्यो हन्त्रिको !!
मन्त्रि भो सिंह त्यो र बाघ पछुवा ब्वाँसो बन्यो "ग्रीटर" !
सब्को मान लिएर जम्बुबिर त्यो मालिक बन्यो "चीटर" !!
दाना पानि सबै दुरुस्त घरमै तयार हुन्थ्यो सधै !
खाइ मस्त सुतेर बाँकी उपहार भनेर बाडथ्यो अझै !!
भोजनको बिचमा सुनेर एकदिन श्याल्हुंया त्यो जातिको !
आफ्नो सक्कली रुप देखिन गयो फुस्केर स्वर छातीको !!
मन्त्रि त्यो सिंहको चस्सक्क मनमा शंका पस्यो स्वर सुनी !
धोकामा म परेछु दैब! गरु के भन्दै धिक्कार्यो जुनी !!
राता नेत्र गरेर चूर रिसले बाघलाई हकार्यो पर !
ब्वाँसोलाई खवर पठाई उसले झम्टेर पर्दै भर !!
घांटी च्यापी गिदी झिकेर बलले छाती फुटाइ रगत !
प्यूदै स्वाद लिएर फेरी बदला थर्काई छाड्यो जगत !!
आफ्नो जात लुकाई छद्म रुपमा बाचेर केहि छिन !
जातिबाट अलग हुँदा अति कठोर भोग्नु पर्यो दुर्दिन !!
No comments:
Post a Comment