कठै !!

लुरु लुरु आफै आउथ्यो साझ पनि टर्यो कठै
आउदा आउदै बीच बाटोमा कसले के पो गर्यो कठै
मेलो तुरी फुकाउदा अलि कति ढिलै भा 'थ्यो
भोकाएको पनि थियो चर्न सम्म चर्यो कठै
उठाएको गाँस प्यारो हुन्छ टन्न न हुन्जेली
चन्द्रमाको उज्यालोमा आफ्नो पेट भर्यो कठै
बास सधै लेकमै बस्छ रागे पाटे छ रे जिउ
अजंगैको छ है भन्थे मनमा पिर पर्यो कठै
भेटेमात्र पाउँछ खान शिकार खोजि भौतारिदै
हिजो पनि हुँकारेर बेशितिर झर्यो कठै
धेरै दिनको भोको उ थ्यो देख्नासाथ झम्टि हाल्यो
पैले गर्धन चुसी मार्छ घाँटीमा नै धर्यो कठै
कति छट पट गर्यो होला बाच्ने दाउ हेर्दा हेर्दै
केहि शिप न लागेर आखिरमा मर्यो कठै
लछार पछार पार्दै तानी घिसारेर अझै पर
किलो मेरो रित्तो पारि आन्द्रा भुँडी छर्यो कठै
यौटा छुट्टै एक्लै पालि हलजोडी बनाएर
चलाएको छिमेकीको मेलो पछि सर्यो कठै
बिहानीमै पाइला गन्दै " विहंगम" बेशी झर्दा
शंका मनमा हुदा हुदै भाग्य उसकै हर्यो कठै
चाचा विहंगम
फेव' १७
भर्जिनिया

गजल

यौटा गजल फेसबुकमा बान्छु म पनि
काफिया रदिफको परम्परा धान्छु म पनि

मासको दालमा घिउले जिम्मु जस्तै
बर्ण-बिन्यासले गजल झान्छु म पनि

दोषमुक्त गजल कोर्ने रहर छ मेरो
हस्तीहरुको सुझाब मान्छु म पनि

किन कि यो विधामा नौलो प्रवेश हो
बाकि छ सिक्नु भन्ने ठान्छु म पनि

सबैले अपनाउने कका किकी नै हो
गिड गिडायेर शब्दहरु छान्छु म पनि

अग्रजहरुबाट सुझाबको आशा राखी
लेखनमा सुधार गर्दै लान्छु म पनि

घोडा चड्ने लड्छ त भन्छन विज्ञहरु
अघि बढ्नु पर्छ,बढाउदै जान्छु म पनि

एकलब्य त पार लागिछाड़े विद्यामा भने
जतिनै पनि गुरुको थप्पड खान्छु म पनि

प्रस्टै भन्छ कसैको जिज्ञासामा चाचा बिहंगम्
"लेखनको बिच बिचमा तान्छु म पनि

भ्यालेंटाइन् 2011

डुल्दै र घुम्दै उदायो फेरी बसेर भन भ्यालेंटाइन्
बनेर जोडी प्रेमले गोडी कसेर भन भ्यालेंटाइन्

जिन्दगि एक्लै अपुरो हुन्छ मायाको स्पर्श न पाए
चानचुने दिन हैन यो घुंडा धसेर भन भ्यालेंटाइन्

भंवरा तान्छ फूलको मह फूलले मौरी छान्दैन
सानो र ठुलो न भनि रसमा फसेर भन भ्यालेंटाइन्

सूर्यले धर्ति घुमाइ सेक्दै रापले तातो दिए झैँ
मुटुमा मुटु टांसेर नौनी घसेर भन भ्यालेंटाइन्

गरिब धनि जे भएपनि प्रेमले हुन्छ बराबर
कि तानी माथि कि ओर्ली तल खसेर भन भ्यालेंटाइन्

अलग हामि हुदैनौ भनि आत्मालाई साक्षी राखेर
कसम खाइ दुइ हात जोडी उठेर भन भ्यालेंटाइन्

प्रेमी मर्छ खुसीले उ रमाइ !

बर्षमा एक पटक हर सांझ
घुम्छ प्रेमी बिचमा दिन आज
बाहुमा कसिन गै किश गर्न
प्रष्ट पारि सबमा हटी लाज

प्रेम नक्कल गरेर गरे झैँ
धेर गर्छु तिमीलाई भनेरै
भेद खुल्छ कतिको छ लुकेको
भोलि प्रेम बदलिन्छ गनेरै

स्वामीलाई मनमा गरी याद
प्रेमको बचनले खुशीसाथ
मुल्यबान उपहार किनेर
दम्पति पनि हुने शिर ताज

प्रेम गर्नु सबलाई बराबर
प्रेममा घुमिरहन्छ चराचर
टिक्छ प्रेम नि रसायन बन्दै
बग्छ पानि दुइ ग्यास मिलेर

मिल्नु गासिनु र समेटिनु साथ
टासिनु मिलि दुइ एक गाथ
दृस्टीले प्रणयको गरी भाव
गर्नु शान उ प्रति भरी चाव

गर्नुहुन्न दुइले बेइमान
प्रेममा कदर हुन्छ इमान
बज्छ तालि दुइ हात ठटाइ
प्रेमी मर्छ खुसीले उ रमाइ

मुबारक !!!

स्टेप डाउन मा छ होसनिलाई मुबारक !
तिस बर्से सत्ता खोसनिलाई मुबारक !


अत्याचार सामु झुकेन कोहि
सडकमा आगो झोसनिलाई मुबारक !


घरभित्रै मतभेद के टिक्न सक्थ्यो
साइड बाट अगुल्टो ठोसनिलाई मुबारक !

को हेर्न सक्छ क्रान्ति र हिंसा
बिदेशी नीति पोसनिलाई मुबारक !


शहिद अमर रहन्छन सधै
प्रजातन्त्रको रोशनीलाई मुबारक !

छिमेकीलाई सराप्नुपर्दा....

ए ! ज्यू सुन्नुहवस खुला गरि ठूला कानका ति ढुन्ग्राहरु
मीठा बोलि बचन गरी कति पटक फाल्याछु भुन्ग्रा हरु
काठमान्डू भनिने यो स्वर्ग पुरीमा कुन जन्मका पुण्यले
तेरो भाग्यमहा थिएन कहिल्यै भेटेनछ्न अन्यले
दुइ आना भरको घडेरी म संगै काँ बाट आइ किनिस
बेचीस् कत्ति लीइस् कति घुस दीइस् के के थ्यो तेरो जिनिस
साँध मिच्ने दिनहु अलिअलि गरि फोहोर यता फाल्दिने
बारबन्देज न गरि पशु र पलुवा कुकुरहरु पाल्दिने
भाषा भेष पनि कछाड तिरको असभ्य पाखे परिस्
सुन्दर शान्त शहर मनोहर थियो विध्वंस तैले गरिस्
मेरो यो फूलबारीमा तुलसीको कसिंगर सेलाउने
भान्साको र जुठाल्नुको सब रछान् दुर्गन्ध फैलाउने
भन्नु लायक के छिमेकी भनिने चिनाउनु के गरी
आगन्तुक हरुको मुख्यान्जी कहिल्यै न आइज सिमा तरि
मेरो नै सहयोगले कति कुरा खाँचो हुंदामा पनि
पालो पालो गरी चलावस कुरा छिमेकी ता हो भनि
राख्दै यो मनमा सदाशय लिई नौलो छिमेकी भईस
अईले आइ समान बैरी गुनको नकच्चरो नै रहिस
भोको श्याल रुंगेर जंगल महा खोज्दो आहारा सरि
भुसतिघ्रे बयको नजरमा भयको छोरो बनाइस के गरी
झ्यालको भित्र बसेर तानी गरधन चियाउदै हेर्छ त्यो
मेरी छोरी पटि घरि घरी नजर घुमाउदै फेर्छ त्यो
बंगारा यसको म झार्छु कहिले याद आउछ जीवनभरी
कत्रो आंट गरेर साहस ठुलो यो गर्छ नि हे हरि !

सान्नानी

तिम्रो आज काम छैन सान्नानी
काम न भए दाम छैन सान्नानी
झरी - बादलको लुकामारी
साउनमा घाम छैन सान्नानी
दुइ चार पैसो दान पुण्य न गरे
जिन्दगीमा धाम छैन सान्नानी
मेलापात को जान्छ आज
अल्छी गरे माम छैन सान्नानी
तिहार आयो चेलीको चाड यो
भाग न हाले खाम छैन सान्नानी
उठी चिया चमेना गर्नलाई
पाउ रोटीमा जाम छैन सान्नानी
सान्नानी त सान्नानी भैगयौ
साँच्चै खाँटी नाम छैन सान्नानी
मिठो बोलि आँखामा गाजलु
नत्र चाचा राम छैन सान्नानी