तिम्रो आज काम छैन सान्नानी
काम न भए दाम छैन सान्नानी
झरी - बादलको लुकामारी
साउनमा घाम छैन सान्नानी
दुइ चार पैसो दान पुण्य न गरे
जिन्दगीमा धाम छैन सान्नानी
मेलापात को जान्छ आज
अल्छी गरे माम छैन सान्नानी
तिहार आयो चेलीको चाड यो
भाग न हाले खाम छैन सान्नानी
उठी चिया चमेना गर्नलाई
पाउ रोटीमा जाम छैन सान्नानी
सान्नानी त सान्नानी भैगयौ
साँच्चै खाँटी नाम छैन सान्नानी
मिठो बोलि आँखामा गाजलु
नत्र चाचा राम छैन सान्नानी
No comments:
Post a Comment