घोडे जात्रा रे ?
·
थामेकै छु स्वधर्म टाप खुरमा किला र घन् निल्दछु
टाँगामा रथमा र बग्गीहरुमा राजासंगै मिल्दछु /१/
हेर्छौ त्यो इतिहास बेद हरुमा ब्रम्हाण्डको सृस्ठीमा
बाल्मिकिहरुको त यज्ञ विधिमा ती सूर्यको दृष्टिमा /२/
बायु पंखी भएर त्यो गगनमा उडाई तान्दै रथ
आज्ञा पालन गर्छु तत्पर रही गोलि पियाउ कि मथ /३/
चल्ने छैन ती चक्रबर्तिहरुमा यज्ञादी घोडा बिना
यो मेरो पुरुषार्थको प्रतिक हो यै भन्छ मेरो चिना /४/
जात्रा गर्न पनि मनुष्य हरु यी कति थरि जान्दछन्
चारखुट्टे हरुकै गरेर उपहास आनन्द ति मान्दछन् /५/
सोझी छिन ल भनु ती गाई हरु ता जात्रै गरे ता पनि
मेरो लात्ती जवर छ छोड्छु म कहा मेरो छ ईज्जत अनि /६/
लिन्छन् काम म बोक्छु भारि तर के सम्मान पाइन्छ कि
मुखमा कोची लगाम छाती बिचमा काठी पिठ्युमै छ छि: /७/
घोडा रेश भनेर हेर्न रमिता जम्मा भई घेर्दछन्
लाखौ बाजी लगाई निर्बल भए कुद्रीष्टिले हेर्दछन् /८/
भैगो लौ म सहुँ चना एक मुठी परालको के भर
मेरो हुर्मत बग्छ पानी जसरि गधामा फेर्दा थर /९/
हे मानिसहरु हो प्रदत्तप्रकृति घोडा हो तिम्रो धन
घोडाको रिस गर्दछौ किन यहा गरि मनोरंजन /१०/
घोडे जात्रा २०१२ ,
No comments:
Post a Comment