आफै गरुँ आंट कि ?

चिन्ता यो छ मलाई मान्यबर हो बढ्दैछ झन् झन् कति
देशको हाल खवर खस्यो तल अझै सुध्रिन्छ भन्दा जति !
आफ्नो मान र शान हेर बिपरित नेता पसे स्वार्थमा
इच्छा छैन रहेछ माथि उठने पद ओकटे व्यर्थमा
पृथबिले जसरि परिश्रम गरि दिएर नासो गए
दर सन्तान फुटेर शासन गरि लुटेर खांदा भए
पार्टीको बलमा कपट र छलमा सोझ्याई आफ्नो दुनो
तानतान गरेर देश गरिमा पार्दैछन झन्झन् झिनो
यस्तै हो त स्थिति संधै भरि हुने देशको कुचाला हरे
नामोनाम निशान मेटिन गई के होला देशमा भरे
यौटा फुल फुट्यो त के भनु भने सिंगै जहाजै डुबी
नेपालै न रहे म हुन्छु कसरि देखिन्छ मेरो खुबी
कोहि सक्षम कोटी कोटी जनमा यौटा त पाइन्छ कि ?
हात खुट्टा अब ता शिथिल भई सके आफै गरुँ आंट कि ?