छातिभित्र थुपारेर अनगिन्ति माल
बाहिर भने नक्कल पारि देखाउने छाल
उर्ली उर्ली चन्द्रलाई माया गर्न खोज्ने
रहस्य यो बुझ्दिन म के हो तिम्रो चाल
ओकेटर तेस्रो खण्ड प्रिथिबिको थाल
जुहार मोति लुकाउने बनि आफै ढाल
कहिले काही रिसाउदा सुनामीको आशु
भोग्नु पर्ने हामीले नै बन्दा तिमि काल
सम्पन्नता इर्स्या गर्नु, चुहाउनु मात्रै राल
सकिदैन साधनबिना छुन तिम्रो बाल
तिम्रो आफ्नै नियमकानुन अटल बस्ने बानि
टुक्रा टुक्रा पार्न खोजे बनिदिन्छ्यौ ताल
जताततै बेरिएर बुनेकी छ्यौ जाल
लुछाचुडी गर्न खोजे आइलाग्नेछ गाल
तेरो मेरो एती उति भन्दै भोग गर्छन
हरिदैन खोसिदैन सबको आफ्नै खाल
पनदुब्बी जहाज र डुंगा पोत पाल
पेटभित्र छातीमाथि जतासुकै फाल
घोच्नु पोल्नु केहि छैन, छैन रिसराग
संधैभरी ज्युका त्यु छ, उस्तै हुन्छ हाल
पाथी झिक्दा मुरी बन्ने टालियेर प्वाल
कसैले नि गलाउन सक्नेछैन दाल
क्षमता छ बिस्वलाई सधैभरी पाल्ने
कछुवादेखि कार्निभलसम्म सबै तिम्रै लाल
न भै हुन्न हामीलाई तिम्रो छयाल ब्याल
कहिले काही उठ्ने रिस तिमि आफै टाल
यात्रा भरि नानाथरी कल्पना यो कोर्दा
कलम मेरो रोकिदैन भेटौ आर्को साल
No comments:
Post a Comment