प्रणयसूत्रमा बाँधिएपछि

१)
ती हुन्छन दुइटा यस्ता साथि
न खस्छन तल न बस्छन माथि
जोखेर हेर्दा शून्यमा सुइरो
भर्दामा माया जहिले नि पाथी
(२)
यौटै छ आत्मा जुटेर गाडा
नजिकै बस्छन् भएर टाडा
तानेर डोरी बेरेर चंगा
मनभित्र बाँधेर छाडदैनन् छाडा
(३)
आँखा नै बोल्ने मुख ता न खोल्ने
करेलाको झोलमा मिश्री घोल्ने
सम्बन्ध यस्तो लोग्ने र स्वास्नीको
मुटुमा आगो लाग्दा न पोल्ने
(४)
प्रेमी र प्रेमिका हुन् संयुक्त बन्ने
देख्दामा अरुले दुइटा न गन्ने
दूध र पानि झैँ एक ठाउ मिल्दा
न सकियोस छुट्याउन दम्पति भन्ने