पैले पैले स्कूल पढ्दा पन्ध्र दिने बन्द
नया जुत्ता नया लुगा मनमा चल्थ्यो द्वन्द
मासु च्युरा मामा घरको जमरा र टिका
स र र र पिंग को सर्को हावा मन्द मन्द !
लह लह धानका बाला चंगा अकासिदै
चाड बस्थ्यो अनुभूति मनमा पर्व यो गासिदै
सोह्र सराद लाग्यो भन्दै घरमा हजुर आमा
सालको पात,रातो माटो गएछ अब मासिदै !
मगमग बास्ना चल्ने उसिनेको धान
घरै पिच्छे ढिकी चल्थ्यो च्युरा कुट्ने घान
आंगनैमा छाडा हुन्थ्यो यौटा घोर्ले खसी
माइली कान्छी ठिक्क पर्थे तोरी पेल्न जान !
इतिहास भयो अब घोर्ले खसी, भाले
दशैँ तिम्रो फर्कदैन भन्नु भयो बाले
दसैँ भन्नु दसा हो रे पैसा न हुनेलाई
बढा घरमा दशैँ देखि जिल्ल पर्छ काले
No comments:
Post a Comment