सिजन

·

छैन श्रीस्टि रचना परिहार्य

सन्तति जिबनमा अनिबार्य

दृस्टीभेद नरमा कति लज्जा

बोध छैन मधुरात्रिक सज्जा

1

चुर्र चुर्र क्षणिक कामुक इच्छा

न्यून न्यून छ निमेषभर पृच्छा

दोष छैन सब दर्शक हाबी

रच्नु पर्छ गुँडमा फुल भाबी

2

भोग्ययंत्र जननी छ अस्पृश्य

सुक्ष्म सुक्ष्म अति नै छ अदृश्य

सूचना प्रकृतिजन्य छ हेर

भावना स्फुरित न्यून न धेर

3

वृक्षबाहु कि त बार्दली पालि

तार पोल बिजुली रही खालि

दिन्छ आश्रय कतै दुइलाई

काम बन्छ त्यसमै बुइ आइ

4

नाच गान खुसिले गरि क्रीडा

दूर भाग्छन सबै गृहपीडा

पूर्व पश्चिम कि त पश्चिम पूर्व

चिर्र चिर्र प्रिय स्पर्श अपूर्व

5

काम आतुर बने सब प्राणी

पंक्षीमा प्रणयको मृदु बाणी

बर्षमा सिजन यो ऋतुराज

पोखिदिन्छ मनमा हरि लाज

6